|
Sagan Arfleifð frumskógarins eftir Sigurð Róbertsson fjallar um nútímamanninn í umróti tuttugustu aldar og viðleitni hans til að halda í við framvindu tímans. Frábær saga eftir einn eftirminnilegasta höfund 20. aldar. Guðmundur Ingi Kristjánsson les.
The Thirty-nine Steps eftir John Buchan er æsispennandi saga þar sem fléttast saman njósnir, morð, leyndarmál og hasar. Vorið 1914 er skoski verkfræðingurinn Richard Hannay nýkominn heim til London eftir langa dvöl erlendis. Þá leitar til hans ókunnur maður er segist óttast um líf sitt. Adrian Praetzellis les.
Í þessu safni, sem kom út hjá Ísafoldarprentsmiðju árið 1891, eru sögur eftir ýmsa höfunda, þar á meðal Pétur Eggerz, Pál Melsteð og Gísla Konráðsson. Jón Sveinsson les.
Sagan Höfrungshlaup eftir hinn stórsnjalla og skemmtilega höfund Jules Verne, sem meðal annars skrifaði söguna Umhverfis jörðina á 80 dögum, var ein af fyrstu sögunum eftir þennan stórmerka höfund til að vera þýdd á íslensku. Segir það meira en mörg orð um söguna, enda var af mörgu að taka. Sagan hefur að geyma allt sem góða sögu þarf að prýða, bæði spennu og ævintýri. Það verður enginn svikinn af þessari. Sigurður Arent Jónsson les.
Þessa vikuna tökum við upp á þeirri nýbreytni að bjóða upp á bókmenntir á ensku til viðbótar við annað efni. Fyrst í þessum nýja flokki er hin stórskemmtilega og sívinsæla saga The Canterville Ghost eftir Oscar Wilde. Hér segir frá Sir Simon, afturgengnum íbúa ensks sveitaseturs, sem á ekki sjö dagana sæla eftir að hin bandaríska Otis-fjölskylda flytur þar inn. David Barnes les.
Fornaldarsögur Norðurlanda eru flokkur sagna og ævintýra frá fornum tíma á Norðurlöndum. Þær voru líklega allar skráðar á Íslandi á 13. og 14. öld. Haukur Sigurðsson les.
| 
